Sevastí Qiriazi lindi në vitin 1871 në Manastir.
Qiriazi e kreu Kolegjin Amerikan për Vajza në Stamboll në vitin 1891. Shkollimin në këtë kolegj ia mundësoi rilindësi Naim Frashëri.
Më 23 tetor 1891, së bashku me të vëllanë Gjerasim Qiriazi, e çelën shkollën e parë shqipe për vajza "Shkollën e Vashave" në Korçë. Më 1908, Qiriazi mori pjesë në Kongresin e Manastirit dhe një vit më vonë në Kongresin e Elbasanit.
Qiriazi ishte martuar me mësuesin Kristo Dako.
Së bashku me të motrën, Parashqeví Qiriazin, i kanë shërbyer shumë arsimit të hershëm shqiptar dhe emancipimit të shoqërisë gjatë kohës së Rilindjes dhe të Republikës. Motrat Qiriazi janë frymëzim dhe shembull me punën dhe virtytet e tyre.